Ohcanáigemearri: 01.10.2018 23:59

Don sáhtát oažžut stipeandda jus leat studeanta ovtta dáin čuovvovaš oahpuin 2018:s:

  • Sámi mánáidgárdeoahpaheaddjioahppu dahje eará mánáidgárdeoahpaheaddjioahppu studeanttaide geain lea eksámen dahje árvosátni sámegielas 1. dahje 2. giellan joatkkaskuvla oahpahusas, dahje vásttolaš dásis.
  • Vuođđoskuvlaoahpaheaddjioahppu 5-jagáš master ja lea sámegiella fágasuorggis.
  • Eará oahpaheaddjioahppu studeanttaide geain lea eksámen dahje árvosátni sámegielas 1. dahje 2. giellan joatkkaskuvla oahpahusas, dahje vásttolaš dásis.
    • 4-jagáš vuođđoskuvlaoahpaheaddji oahppu 1-7 ja 5-10
    • Lektoroahppu 8-13
    • Geavatlaš-pedagogalaš oahppu dábálaš fágaide
    • Geavatlaš-pedagogalaš oahppu fidnofágaide cehkiide 8-13
    • Fidnofágaoahpaheaddji oahppu
    • Fágaoahpaheaddji oahput geavatlaš ja estehtalaš fágain

Geat sáhttet ohcat stipeandda?

  • Oahppit geat váldet Sámi mánáidgárde- ja vuođđoskuvlaoahpaheaddji oahpu ja geavatlaš-pedogogalaš oahpu Sámi allaskuvllas.
  • Oahppit geat váldet mátta- ja julevsámi vuođđooahpaheaddji oahpu Davvi universitehtas
  • Oahppit Norgga allaskuvllain ja universitehtain geat leat álbmotregistaris Norggas, ja geat sáhttet duođaštit ahte leat váldán eksámena dahje ožžon árvosáni sámegielas 1. dahje 2. giellan joatkkaskuvla oahpahusas, dahje vásttolaš dásis.

Stipeandda sturrodat:

Meroštallannjuolggadusat I

  • Mánáidgárdeoahpaheaddjioahppu
  • Vuođđoskuvlaoahpaheaddjioahppu 5-jagáš master 1-7 ja 5-10, sámegiella fágasuorggis.
    • Unnimusat 30 oahppočuoggá lohkanbaji nammii 25 000 ru
    • Gaskal 15 ja 29 oahppočuoggá lohkanbaji nammii 10 000 ru
    • Gaskal 10 ja 14 oahppočuoggá lohkanbaji nammii 5 000 ru

Meroštallannjuolggadusat II

  • 4-jagáš vuođđoskuvlaoahpaheaddji oahppu 1-7 ja 5-10
  • Lektoroahppu 8-13
  • Geavatlaš-pedagogalaš oahppu dábálaš fágaide
  • Geavatlaš-pedagogalaš oahppu fidnofágaide cehkiide 8-13
  • Fidnofágaoahpaheaddji oahppu
  • Fágaoahpaheaddji oahput geavatlaš ja estehtalaš fágain
    • Unnimusat 30 oahppočuoggá lohkanbaji nammii 10 000 ru
    • Gaskal 15 ja 29 oahppočuoggá lohkanbaji nammii 5 000 ru
    • Gaskal 10 ja 14 oahppočuoggá lohkanbaji nammii 3 000 ru

Raporteren

Alit oahpu stipeandda njuolggadusain leat sierra mearrádusat mat gusket raporteremii, bearráigehččui, doarjaga ruovttoluotta máksimii ja sihkkumii. Doppe čuožžu earret eará:

  • Galgá buktojuvvot duođaštus čađahuvvon eksámenis, giđđalohkanbajis maŋimuštá golggotmánu 1. b. 2018.
  • Galgá buktojuvvot duođaštus čađahuvvon eksámenis, čakčalohkanbajis maŋimuštá guovvamánu 1. b. 2019.

Ohcanskovvi

Sámedikki digitála ohcanskovvi galgá geavahuvvot. Ohcci gii ii leat Norgga álbmotregistaris, ja lea studeanta vuoruhuvvon oahpuin Sámi allaskuvllas dahje Davvi universitehtas, ferte ieš váldit oktavuođa Sámedikkiin oažžun dihtii sierra ohcanskovi.

Geainna válddát oktavuođa:

Heidi Salmi, Seniorráđđeaddi alit oahppu ja dutkan, +47 78 47 40 46

Elektruvnnalaš ohcanskovvi

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!