Rabas ohcanáigemearri

Doarjjaortnega mihttomearri:

  • Luođi ja sámi musihka eanet vuovdin ja leavvan riikka siste ja olgoriikkas, maiddái sámi musihkka sihke árbevirolaš ja ođđa vuogis.

Ortnega doarjjaoažžut:

  • Fitnodagat

Ii addojuvvo doarjja Norggas registrerejuvvon olgoriikka fitnodagaide (NUF). Gielddain/suohkaniin ja stáhtaásahusain ii leat vuoigatvuohta oažžut doarjaga.

Čuovvovaš doaibmabijuide sáhttá ohcat doarjaga:

  • Gierdomátkedoarjja sámi musihkkáriidda.
  • Sámi musihkkáriid riikkaidgaskasaččat promoteren.
  • Musihkkavideo buvttadeapmi.

Gáibádus ohcama sisdollui ja hápmái:

Ohcamis galget leat mielde buot dat dieđut mat gáibiduvvojit Sámedikki ohcanskoviin. Sámedikki digitála ohcanskovvi galgá geavahuvvot.

Meroštallannjuolggadusat:

Gierdomátkedoarjja:

Eanemus doarjja gierdomátkkiide lea 50 000 ru. Doarjja gokčá dakkár goluid mat lunddolaččat gullet gierdomátkedoaimmaide, dás maiddái:

  • Vuovdaleapmái/promoteremii
  • Mátkegoluide/orrumii/borramii
  • Teknihkalaš goluide
  • Jietna- ja čuovgagoluide

Sámi musihkkáriid riikkaidgaskasaš promoteremii:

Eanemus doarjja riikkaidgaskasaš promoteremii lea 50 000 ru. Doarjja gokčá dakkár goluid mat lunddolaččat gullet gierdomátkedoaimmaide, dás maiddái:

  • Vuovdaleapmái/promoteremii
  • Mátkegoluide/orrumii/borramii
  • Teknihkalaš goluide
  • Jietna- ja čuovgagoluide

Musihkkavideo:

Eanemus doarjja lea gitta 50 000 ru.

Meannudanáigi:

Ohcci sáhttá vuordit vástádusa ohcamii 3 mánu maŋŋágo mii leat ožžon ohcama, gč. hálddašanlága § 11. Gaskaboddasaš dieđáhus hálddašanáššiin sáddejuvvo maŋimusat mánu maŋŋágo mii leat ožžon ohcama.

Gulahallandieđut:

Inger Tjikkom, tel: +47 78 47 40 45, Nanni Mari Westerfjeld, tel: +47 78 47 40 25, Emma Margret Skåden, tel: +47 78 47 41 01, Silja Somby, tel +47 78 48 42 30

Elektruvnnalaš ohcanskovvi

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!