Ohcanáigemearri: 01.03.2019 23:59

Ohcanáigemearri: 01.03.19 ja 01.10.19

Doarjjaortnega mihttomearri:

  • Buorre girjjálašvuohta olámuttus sámegillii

Sámi girjjálašvuođa ohcanvuđot ortnet doarju sámi girjjálašvuođa, sihke čáppa- ja fagagirjjálašvuođa prošeavttaid, mat ovdiduvvojit fitnodagaid bokte. Ohcamat árvvoštallojuvvojit máŋggaid beliid vuođul.

Ortnega doarjjaoažžut:

  • Fitnodagat
  • Fitnodagat, ásahusat ja organisašuvnnat mat ožžot doarjaga, galget leat registrerejuvvon Norgga Ovttadatregistarii.

Lágadusat/fitnodagat mat ožžot lágádusaid njuolggodoarjaga Sámedikke bušeahta bokte, eai sáhte dán ortnega bokte oažžut doarjaga.

Ii addojuvvo doarjja Norggas registrerejuvvon olgoriikka fitnodagaide.

Doarjaga sáhttá ohcat čuovvovaš doaibmabijuide:

  • Čáppagirjjálašvuohta mas vuođđumánus lea sámegillii
  • Fágagirjjálašvuohta mas vuođđumánus lea sámegillii
  • Girjjálašvuođa jorgaleapmi mánáid ja nuoraid várás sámegillii
  • Digitála almmuheamit sámegillii čáppagirjjálašvuođa siskkobealde

Gáibádus ohcama sisdollui ja hápmái:

  • Ohcan galgá čállojuvvot Sámedikki ohcanskovvái.
  • Ohcamušat mat eai deavdde ohcaneavttuid šaddet hilgojuvvot. 
  • Doarjjaoažžus galgá leat dásseárvo- ja máŋggabealatperspektiiva doaimmastis ja iežas bálvalusain ja buktagiin.
  • Bušeahtta mii čájeha gollomeroštusa ja ruhtadanplána.
  • Sus guhte vuolláičállá ohcama ferte leat fátmadus geatnegahttit institušuvnna.
  • Jos ohcci oažžu doarjaga, de galgá dieđihit ahte lea ožžon doarjaga Sámedikkis doaibmabidjui/prošektii.

Eanet dieđuid meroštallannjuolggadusaid ektui – geahča ohcanskovi ja njuolggadusaid ortnega várás

Meannudanáigi:

Ohcci sáhttá vuordit vástádusa ohcamii 3 mánu maŋŋágo mii leat ožžon ohcama, gč. hálddašanlága § 11. Gaskaboddasaš dieđáhus hálddašanáššiin sáddejuvvo maŋimusat mánu maŋŋágo mii leat ožžon ohcama.

GulahallanolbmotEmma Margret Skåden, 78 47 41 01, Silja Somby, 78 48 42 30, Johan Matteus Triumf, 78 48 42 81

Elektruvnnalaš ohcanskovvi

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!