Doarjja regionálaovddidanprošeavttaide

Sámediggi háliida nannet ovttasbarggu regionála ja báikkálaš eiseválddiiguin barggus mii guoská sámi giela, sámi kultuvrra, ealáhusaid ja servodateallima bisuheapmái ja nannemii. Searvevuođašiehtadusaid, ovttasbargošiehtadusaid ásaheami bokte gielddaiguin ja fylkkagielddaiguin, ja eará guovddáš ásahusaiguin jos daid doaibma guoskkaha sámi beroštumiid.

Doarjjaortnega mihttomearri:

Árjjalaš ja ulbmildiđolaš ovttasbargu regionála ja báikkálaš eiseválddiiguin nannen ja ovddidan dihtii sámi kultuvrra, giela ja servodateallima.

Ortnega doarjjaoažžut:

  • Gielddaiguin ja fylkkagielddaiguin maiguin Sámedikkis lea ovttasbargošiehtadus
  • Fitnodagat, ásahusat, organisašuvnnat gielddain ja fylkagielddain maiguin Sámedikkis lea ovttasbargošiehtadus, mat leat dieđihuvvon ovttadatregistarii.

Doarjaga sáhttá ohcat čuovvovaš doaibmabijuide:

  • Ovttasbargoprošeavttat fylkkagielddaiguin maiguin Sámedikkis lea ovttasbargošiehtadus.
  • Ovttasbargoprošeavttat gávpotgielddaiguin maiguin Sámedikkis lea ovttasbargošiehtadus.

Gáibádus ohcama sisdollui ja hápmái:

  • Ohcan galgá čállojuvvot Sámedikki ohcanskovvái.
  • Ohcamušat mat eai deavdde ohcaneavttuid šaddet hilgojuvvot.  
  • Bušeahtta mii čájeha gollomeroštusa ja ruhtadanplána.
  • Sus guhte vuolláičállá ohcama ferte leat fátmadus geatnegahttit institušuvnna.

Meroštallannjuolggadusat:

  • Doarjaga vuolimus rádjá lea 30 000 ru. Eanemus doarjja lea 400 000 ru.
  • Ii addojuvvo doarjja doaibmabijuide mat lohkkojuvvojit gullat ásahusa/organisašuvnna doaibmabargamušaide, dahje prošeavttaide mat leat doaibmaláganat.
  • Ii ge addojuvvo doarjja spesifiserekeahtes goluide, sosiála goluide ja investeremiidda

Meannudanáigi:

Ohcci sáhttá vuordit vástádusa ohcamii 3 mánu maŋŋágo mii leat ožžon ohcama, gč. hálddašanlága § 11

Gulahallanolbmot: Nanni Mari Westerfjeld, tlf: +47 78 47 40 25, Emma Margret Skåden, tlf: +47 78 47 41 01, Inger Tjikkom, tlf: +47 78 47 40 45

Elektruvnnalaš ohcanskovvi

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!