Doarjja ovdánahttit oahpponeavvuid vuođđooahpahussii

Sámediggi almmuha ohcanvuđot doarjaga ovdánahttit oahpponeavvuid vuođđoskuvlla 1.- 10. jahkeceahkkái ja jo1-jo3 joatkkaoahpahusa várás davvisámegillii, julevsámegillii ja máttasámegillii dáin fáttáin:

  • rumaš, seksualitehta ja rájáid bidjan 
  • gárrenmirkogeavaheami, veahkaválddi ja illasteami eastadeapmi
  • vuortnuheami, loavkašuhttima ja vealaheami eastadeapmi
Ohcanáigemearri: 15.09.2019 23:59

Duogáš:

Sámi vuođđooahpahusa vuođđun lea oahpahusláhka ja Máhttoloktema oahppoplánat. 2020 rájes ođasmahttojuvvo Máhttolokten 2020 ja Máhttolokten 2020 sámi oahppoplánaide. Buot mánáin lea vuoigatvuohta oadjebas ja buori skuvlabirrasii mii ovddida loaktima, dearvvašvuođa ja oahppama. Norggas lea lága bokte mearriduvvon ahte loavkašuhttimat dego givssideapmi, veagalváldin, vealaheapmi ja vuortnuheapmi eai dohkkehuvvo obage (oahpahusláhka § 9 A) skuvllas. Riekti oadjebas ja buori skuvlabirrasii lea skuvlla fysalaš birrasa birra sihke olgun ja siste, ja psykososiála birrasa birra. Iskkadeamit čájehit ahte mánát sámi guovlluin vásihit givssideami ja vuortnuheami skuvllas. Muhtun iskkadeamit maid čájehit ahte sámi álbmot vásiha eanet veahkaválddálašvuođa go álbmot muđui. Dakkár fáttáid birra ii hubmojuvvo sámi servodagas, ja leat unnán oahpponeavvut sámegillii dáid fáttáid birra. Danne Sámediggi háliida ráhkadahttit oahppaneavvuid mat deattuhit dáid fáttáid.

Sámediggi almmuha ohcanvuđot doarjaga ovdánahttit oahpponeavvuid vuođđoskuvlla 1.- 10. jahkeceahkkái ja jo1-jo3 joatkkaoahpahusa várás davvisámegillii, julevsámegillii ja máttasámegillii dáin fáttáin:

  • rumaš, seksualitehta ja rájáid bidjan 
  • gárrenmirkkogeavaheami, veahkaválddi ja illasteami eastadeapmi
  • vuortnuheami, loavkašuhttima ja vealaheami eastadeapmi

Sámediggi lea várren 2,5 miljovdna dáidda oahpponeavvuide. Doarjjarámma sturrodaga dihte, fertet mii garrasit vuoruhit ohcamiidgaskkas geat devdet min gáibádusaid ja eavttuid. Sámediggi áigu vuoruhit digitála oahpponeavvuid dahje oahpponeavvuid main leat digitála oasit ovdalii deaddiluvvon oahpponeavvuid.

Ohcanáigemearri:

15.09.2019

Gii sáhttá oažžut doarjaga:

Lágádusat, fitnodagat ja priváhta ásahusat ja eará birrasat mat leat registrerejuvvon Ovttadatregistarii Norggas.

Masa sáhttá oažžut doarjaga:

Ođđa oahpponeavvu ráhkadeapmái, parallealla almmuhemiide, ođđa deaddileapmái, ja dáláš oahpponeavvuid ođasmahttimii, lassikomponeanttaide dahje oahpponeavvu/oahppodahkosa dievasmahttimii

Man ollu doarjaga sáhttá oažžut:

Gitta 100 % doarjaga oahpponeavvuid ovdánahttimii ja buvttadeapmái.

Doarjjanjuolggadusat ja eavttut leat dáppe:

Doarjjanjuolggadusat ohcanvuđot doarjja 2019 oahpponeavvoráhkadeapmi.

(Dát leat seamma njuolggadusat go dábálaš ja earenoamážit heivehuvvon oahpponeavvo doarjjaortnegis.)  

Ohcanskovvi:

Sámedikki elektrovnnalaš ohcanskovvi galgá geavahuvvot.

Elektruvnnalaš ohcanskovvi

(Dát lea seamma skovvi go dábálaš ja earenoamážit heivehuvvon oahpponeavvo doarjjaortnegii.)

Gulahallanolbmot:

Karen Lovise Siri Stångberg tlf. 78 48 42 16, Berit Sara Sara Buljo tlf. 78 42 42 26

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!