Ohcanáigemearri: 02.05.2019 23:59

Gii sáhttá oažžut doarjaga:

Lágádusat, fitnodagat ja priváhta ásahusat ja eará birrasat. Fitnodagat, institušuvnnat ja organisašuvnnat mat ožžot doarjaga, galget leat registrerejuvvon Ovttadatregistarii Norggas.

Masa sáhttá oažžut doarjaga: 

Ođđa oahpponeavvu ráhkadeapmái, parallealla almmuhemiide, ođđa deaddileapmái, dáláš oahpponeavvuid ođasmahttimii, lassikomponeanttaide dahje oahpponeavvu/oahppodahkosa dievasmahttimii

Man ollu doarjaga sáhttá oažžut: 

Gitta 100 % doarjaga oahpponeavvuid ovdánahttimii ja buvttadeapmái.

Sámediggi jahkásaččat mearrida vuoruhemiid iešguđetge fágaid ja jahkecehkiid gaskkas. Jus ohccojuvvo doarjja prošeavttaide olggobealde jahkásaš vuoruhemiid, ferte buktit ákkastallama ja dokumentašuvnna dárbui.

Doarjjaortnega 2019 vuoruheamit - oahpponeavvuid ovddideapmi:

Oahpponeavvut máttasámegillii:

  • Servodatfága. Servodatmáhttu 8. - 10. jahkecehkiide.
  • Servodatfága, Historjá 5. - 10. jahkecehkiide.
  • Luonddufága 5. - 7. jahkecehkiide.
  • Sámegiella nubbingiellan, oahpponeavvut mat beavttálmahttet barggu oččodit nuppigiela ohppiid doaibmi guovttegielalažžan.
  • Doarjja álggahuvvon ja dáláš oahpponeavvoprošeavttaide, maid lea dárbu heivehit ođđa oahppoplánaide mat ovddiduvvojit fágaid ođasmahttima oktavuođas.

Oahpponeavvut julevsámegillii:

  • Servodatfága, servodatmáhttu 8. - 10. jahkecehkiide.
  • Sámegiella nubbingiellan, sámegiella 2 8.-10. Jahkeceahkkái / Sámegiella 3 joatkkasskuvla oahpahus dássi 4-6.
  • Sámegiella vuosttašgiellan, jo 1
  • Sámegiella vuosttašgiellan 8.-10. jahkeceahkkái.
  • Sámegiella nubbingiellan, oahpponeavvut mat beavttálmahttet barggu oččodit nuppigiela ohppiid doaibmi guovttegielalažžan.
  • Doarjja álggahuvvon ja dáláš oahpponeavvoprošeavttaide, maid lea dárbu heivehit ođđa oahppoplánaide mat ovddiduvvojit fágaid ođasmahttima oktavuođas.

Oahpponeavvut davvisámegillii:

  • Boazodoallofága joatkkasskuvlla oahpahusas.
  • Sámegiella nubbingiellan, oahpponeavvut mat beavttálmahttet barggu oččodit nuppigiela ohppiid doaibmi guovttegielagin.
  • Doarjja álggahuvvon ja dáláš oahpponeavvoprošeavttaide, maid lea dárbu heivehit ođđa oahppoplánaide mat ovddiduvvojit fágaid ođasmahttima oktavuođas

Earenoamážit heivehuvvon oahpponeavvut davvi-, julev- ja máttasámegillii dábálaš heiveheapmái lassin:

  • Jietnagirjjit ohppiide geain lea fuones oaidnu, ADHD konsentrašuvdnaváttisvuođaiguin, dysleksi dahje eará lohkanváttisvuođat, fysalaš doaibmahehttejupmi man geažil lea váttis lohkat girjji, omd. CP, ME dahje Parkinson, kognitiivvalaš hástalusat ja giellaváttisvuođat dávdda dahje váttu geažil.
  • Oahpponeavvut mat vuhtii váldet inkluderema, sosiálalaš gaskavuođaid ja doaimma oktii ráđiid earáiguin.
  • Oahpponeavvut main lea čielga progrešuvdna ja dássejuohkin.

Fágaidrasttildeaddji fáddá:

Sámediggi lea bargame ráhkadit gilvovuođu fálaldatbivdimii ráhkadit oahpponeavvuid givssideami, gárrema, veahkaválddi ja vearredaguid fáttáid birra.

Ohcanskovvi: 

Sámedikki digitála ohcanskovvi galgá geavahuvvot.

Gulahallanolbmot: Karen Lovise Siri Stångberg, +47 78 48 42 16, Berit Sara Sara Buljo, +47 78 42 42 26

Elektruvnnalaš ohcanskovvi

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!