Dearvvašvuođa- ja sosiálaprošeavttat

Ohcanáigemearri: Rabas 

Mihttomearri:

Buorre dearvvašvuohta ja ovttaárvosaš dearvvašvuođa- ja sosiálabálvalusat sámi álbmogii seamma dásis go álbmogis muđui.

Geat sáhttet ohcat doarjaga:

  • Organisašuvnnat, fitnodagat ja ásahusat
  • Eaŋkilolbmot mat formálalaččat leat čadnon dutkan- ja oahpahusásahusaide
  • Fitnodagat, ásahusat ja organisašuvnnat mat ožžot doarjaga, galget leat registrerejuvvon Norgga Ovttadatregistarii.

2019 vuoruheamit:

  • Prošeavttat mat láhčet gielalaččat ja kultuvrralaččat heivehuvvon dearvvašvuođa- ja fuolahusbálvalusa
  • Metodaovddidanprošeavttat
  • Prošeavttat mat buoridit sámi pasieanttaid mielde váikkuhan vejolašvuođa ja geavaheaddjistivrema
  • Prošeavttat mat sihkkarastet sámi mánáid vuoigatvuođaid ja dárbbu dalle go leat mánáidsuodjalusa fuolahusas
  • Prošeavttat mat ovdánahttet máhtu sámi giela ja kultuvrra birra sámi dearvvašvuođa siskkobealde
  • Prošeavttat mat nannejit sámi mánáid ja nuoraid psyhkalaš dearvvašvuođa
  • Prošeavttat mat láhčet deaivvadanbáikkiid sámi vuorasolbmuide

Ohcamiid árvvoštallan ja vuoruheapmi daid gaskka:

Ohcamat árvvoštallojuvvojit ekonomalaš, márkaniidguoski, teknihkalaš, servodatlaš ávkki, dáiddalaš, fágalaš ja eará guoskevaš beliid vuođul, earret eará leago geavahusas vejolaš čađahit.

Ohcamiid árvvoštallamis deattuhuvvojit fágalaš sisdoallu, ámmátlašvuohta ja kvalitehta. Raporterema váilun ovddit áššiin deattuhuvvo.

Ohcamiid meannudeami oktavuođas sáhttá Sámediggi árvvoštallat nagoda go ohcci ekonomalaččat čađahit prošeavtta/ásaheami. Sámediggi sáhttá viežžat kredihttadieđuid ohcci birra.

Meroštallannjuolggadusat:

Doarjja meroštallojuvvo vuođustuvvon ohcama ja prošeaktačilgehusa vuođul, eanemusat 500 000 ru.

Gulahallanolmmoš:

Seniorráđđeaddi Inga Margrethe Eira Bjørn,+47 78 48 42 21

Elektruvnnalaš ohcanskovvi

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!